ข่าว:

ผู้เขียน หัวข้อ: ค่าวฮ่ำฮำเสียงเพลง(สตริง)4  (อ่าน 4799 ครั้ง)

เดอะจิ๊กุ่ง

  • Administrator
  • Full Member
  • *****
  • การ์ม่า: +0/-0
  • กระทู้: 105
    • ดูรายละเอียด
    • เว็บไซต์
    • อีเมล์
ค่าวฮ่ำฮำเสียงเพลง(สตริง)4
« เมื่อ: พฤศจิกายน 15, 2009, 08:25:28 pm »



ค่าวฮ่ำฮำเสียงเพลง(สตริง)4


91. มีค่าเวลาเหงา - ปนัดดา เรืองวุฒิ
มีค่าแต๊ แค่เวลาเหงา เป๋นคนบ่เลา สู้เขาบ่ได้
พี่มาแอ่วหา ฟู่จ๋าใกล้ๆ ยามง่อมดวงทัย เต้านั้น
หายง่อมแล้วหนา แล้วนาพี่จั๊น ก่อหายแส็บหั้น นอนาย
หายง่อมแล้ว ก่อแจวจ๋างหาย ปล่อยละอี่นาย เดียวดายหม่นเศร้า

92. 2-1=0 พีค

สองลบหนึ่งนั้น มันกล๋ายเป๋นศูนย์ บ่มีสูตรคูณ ตี้ไหนจักอ้าง
ยามเมื่อน้องสาว เจ้าบ่เคียงข้าง มาขอแยกตาง พี่นี้
น้องมาจากไกล๋ ลาไปหลีกลี้ จึ่งเป๋นจะอี้ แลนา
ตุ๊กใจ๋เจ้นล้ำ จ๊ำใจ๋แต๊หนา ยามเมื่อน้องลา บ่มาเกี่ยวข้อง

93. ยังสู้อยู่ โก๋วิด

จะสู้อย่างนี้ สู้บ่มีถอย พ่อแม่จุ่งคอย ลูกน้อยอยู่บ้าน
ง่อมในใจ๋ ดวงทัยเสี้ยงถ้าน บ่จื้นเจยบาน ใจ๋นี้
แต่ลูกนั้นหนา บ่ลาหลีกลี้ จะสู้อย่างอี้ ต่อไป
ป้อแม่ปี้น้อง อย่าข้องหมองใจ๋ บ่เมินเต้าใด คงได้หันหน้า

94. รับได้ไหม--แมว จีระศักดิ์

ฮับได้ก่อน้อง สายทองขวัญต๋า ฮับได้ก่อนา จั๋นตาน้องเหน้า
ถ้าพี่นี้หนา ตี้มาอยู่เฝ้า สรี๋นงเลา น้องจั๊น
บ่เป๋นดั่งตั๋ว บัวคำน้องนั้น กึ๊ดฝันอยู่หั้น แลนา
บ่ไจ้เลิศล้ำ เหมือนกำฟู่จ๋า คนธรรมดา ใช่ฟ้าแต่งสร้างๆ

95. คิดถึงเธอ

กึ๊ดเติงหาแต๊ แต่บ่ได้หัน ง่อมหากุวัน ฝันหันแต่เจ้า
อยากจะมาหา โนจาน้องเหน้า ได้ก้ากึ๊ดเอา อย่างนี้
ห่างกั๋นไกล๋ หลายพันหมื่นลี้ ง่อมใจ๋อย่างอี้ ตึงวัน
อยากหันหน้าน้อง สายทองบัวผัน มันง่อมมันงัน ฝันหันแต่เจ้า

96. พรหมลิขิต Big Ass

เป๋นลิขิตฟ้า มาจากสวรรค์ กาว่าผูกพัน กั๋นมาก่อนหนี้
จึ่งได้ฮักกั๋น สัมพันธ์อย่างอี้ ฮักแต่คนดี นาฏน้อง
ฮักเต๋มหัวใจ ทรวงในฮ่ำฮ้อง เสียงสนั่นก้อง ดวงทัย
จะฮักแต่น้อง สายทองขวัญใจ๋ บ่ฮักสาวใด คนไหนอื่นผู้ๆ

97. คาใจ เจ เจตริน

พี่มาวันนี้ มีเรื่องคาใจ๋ บ่ว่าจะได แค่ไคร่หันหน้า
มาขอลาตั๋ว บัวคำน้องหล้า ในวันวิวาห์ ของน้อง
บ่มีอะหยัง บ่หวังเรียกร้อง บอกเขาบ่ต้อง กั๋งวล
จะขอลาน้อง สายทองสักหน ขอลาหน้ามน สู่หนตางเศร้า

98. อยู่นานๆ ได้ไหม ศรัญย่า ส่งเสริมสวัสดิ์

อยู่เมินแถมน้อย แถมหน้อยเต๊อะหนา ฟั่งไปไหนจา จั๋นตาน้องเหน้า
เมินๆ ปะกั๋น บ่หันหน้าเจ้า นอจี๋นงเลา นาฏน้อง
หัวอกหัวใจ ตางในฮ่ำฮ้อง ขอน้องอยู่หนี้ เมินๆ
ฟู่กั๋นตรงนี้ คนดีอย่าเขิน บ่ปะกั๋นเมิน ฟั่งเดินหนีหน้า

99. คนหลายใจ อัสนี วสันต์

อยากไปหื้อป๊น จากคนหลายใจ๋ จากจี๋บัวใบ หน้าใสอย่างเจ้า
หลายใจ๋แต๊หนอ นอนายน้องเหน้า จุไผหื้อเมา หลงฮัก
หลายใจ๋แต๊หนา แต๊นาแต๊นัก หลายใจ๋แต๊ตั๊ก นอนาย
ห้องใจ๋น้องนี้ มีคนจ้าดหลาย มีแต่ป้อจาย มากมายหลายหน้า

100. hi5 โก๋วิด

พี่ความฮู้น้อย ด้อยก๋ารเศิกษา บ่มีวิชา เฮียนมาก่อหน้อย
บ่ฮู้แต๊หนา ปั๋ญญาต่ำต้อย บ่เหมือนบัวลอย น้องจั๊น
พี่ยังสงสัย เรื่อง hi5 นั้น นึกว่าก๋ารบ้าน นอนาย
มาหันวันนี้ พี่ปอใจ๋หาย น้ำต๋าของจาย ไหลลงอาบแก้มๆ
บันทึกการเข้า

เดอะจิ๊กุ่ง

ชมรมคนรักค่าว
www.lannapoem.com
www.teeneelanna.com
www.lannabusiness.com
http://ido24.org/teeneelanna.com/

เดอะจิ๊กุ่ง

  • Administrator
  • Full Member
  • *****
  • การ์ม่า: +0/-0
  • กระทู้: 105
    • ดูรายละเอียด
    • เว็บไซต์
    • อีเมล์
ค่าวฮ่ำฮำเสียงเพลง(สตริง)4
« ตอบ #1 เมื่อ: พฤศจิกายน 15, 2009, 08:26:56 pm »
บันทึกการเข้า

เดอะจิ๊กุ่ง

ชมรมคนรักค่าว
www.lannapoem.com
www.teeneelanna.com
www.lannabusiness.com
http://ido24.org/teeneelanna.com/

เดอะจิ๊กุ่ง

  • Administrator
  • Full Member
  • *****
  • การ์ม่า: +0/-0
  • กระทู้: 105
    • ดูรายละเอียด
    • เว็บไซต์
    • อีเมล์
ค่าวฮ่ำฮำเสียงเพลง(สตริง)4
« ตอบ #2 เมื่อ: พฤศจิกายน 15, 2009, 08:28:53 pm »


111. อกหัก

อกหักแหมครั้ง ยังคงบ่หาย หัวใจ๋จะวาย ต๋ายเพราะความเศร้า
เจ็บปวดใจ๋ บ่ไหวแล้วเจ้า ตุ๊กข์ในใจ๋เฮา เจ้นล้ำ
มันเจ็บกล๋างใจ๋ เป๋นไปซ้ำๆ จ๊ำในใจ๋หนี้ นอนาย
ฮักของพี่นี้ บ่มีความหมาย เหมือนโดนทำลาย หัวใจ๋ป่นปี้ๆ

112. ไกลกัน พยุห์

กึ๊ดเติงหา แต๊นานาฏน้อง พี่ตุ๊กข์โศกต้อง นั่งหมองหม่นเหงา
อยากหอมน้องนี้ ตี้แก้มขาวๆ อยากจับผมยาว กอดสาวห่มผ้า
ห่างกั๋นไกล๋ บ่ได้หันหน้า มันง่อมแต๊นา ใจ๋นี้
ตั้งแต่เมื่อสาว เจ้าลาหลีกลี้ พี่ง่อมใจ๋หนี้ ตึงวัน
กึ๊ดเติงหาแต๊ แต่บ่ได้หัน ตึงง่อมตึงงัน ใจ๋มันหม่นเศร้าๆ

113. หมดเวลาแก้ตัว รุจ

ยกโทษหลายครั้ง ยังบ่แก้ไข พี่เจ็บดวงทัย บ่ไหวแล้วเจ้า
พี่เสียน้ำต๋า โศก๋าหม่นเศร้า หลายเตื้อหลายคราว หลายครั้ง
แต่น้องนั้นหนา ยังบ่ายอมยั้ง ใจ๋พี่บ่ตั้ง นอนาย
หัวใจ๋พี่นี้ บ่ไจ้มีหลาย น้องจะทำลาย อย่างใดแถมเจ้า

114. ก้อนหินก้อนนั้น – โรส

บีบก้อนหินไว้ ในมือน้องหนา มันเจ็บก่อนา โนจาน้องเจ้า
ยามตี้ตุ๊กข์ใจ๋ ดวงทัยหม่นเศร้า เหมือนเก็บหินเอา บีบไว้
ถ้าวางก้อนหิน ลงดินแล้วไซร้ จักป๊นโศกได้ สำราญ
ปล่อยวางเต๊อะไท้ แม่นัยน์ต๋าหวาน เรื่องของวันวาน หื้อมันผ่านป้น

115.พูดไม่ ค่อยเก่ง AB Normal

อู้บ่เก่งแต๊ แต่ฮักหมดใจ๋ บ่จ้างอู้ไป หื้อไผชอบสู้
ตั๋วพี่นี้หนา บ่าจ้างจักอู้ เนอสาวพธู น้องไท้
แต่ฮักแต๊หนอ จะขอบอกไว้ อยากมาอยู่ใกล้ คนดี
ฮักน้องแต๊ๆ แม่ทองใสสี หมดใจ๋ตี้มี ของพี่เนอเจ้า

116. เก็บตะวัน อิทธิ พลางกูล

ตะวันบนฟ้า แกร่งกล้ากว่าไผ มั่นในดวงทัย บ่ไหวหวั่นเศร้า
ยังเป๋นแฮงใจ๋ เนอนายน้องเหน้า บอกหื้อหมู่เฮา อดไว้
อย่ามัวโศก๋า เลยนาน้องไท้ อย่ามัวนั่งไห้ เลยนา
อดเอาเต๊อะน้อง บ่ต้องโศก๋า เก็บตะวันมา เศิกษาตางสู้

117. ศรัทธา หินเหล็กไฟ

บ่เมินเน่อน้อง บ่ต้องโศก๋า อดใจ๋ไว้นา อย่าหมองหม่นเศร้า
สู้ไปเต๊อะหนา โนจาน้องเจ้า อดใจ๋ทนเอา เต๊อะน้อง
เชื่อในหัวใจ๋ ตางในเรียกร้อง หมู่เฮาบ่ต้อง กั๋งวล
สักวันนึ่งนั้น จักหันเป๋นผล ขอหื้ออดทน อย่าจ๋นใจ๋เจ้า

118. รักเดียวใจเดียว

ฮักแต่น้องนี้ บ่มีไผไหน ฮักตลอดไป บ่ไหลหลิ่งหลู้
พี่ฮักแต๊หนา ใช่มาแค่อู้ เนอสาวพธู นาฏน้อง
ฮักต๋ามหัวใจ๋ ทรวงในฮ่ำฮ้อง เสียงมันดังก้อง ดวงทัย
จะฮักแต่น้อง บ่มองผ่อไผ ฮักตลอดไป บ่ไหวหวั่นเสิ้ง

119. รักเธอจนเหนื่อยหัวใจ

อิดในใจ๋นี้ พี่อิดอ่อนใจ๋ จะฮักคนใด ฮักไผแน่เจ้า
น้องจะฮักกั๋น สัมพันธ์ใฝ่เฝ้า หรือจุพี่เมา เต้านั้น
หัวอกหัวใจ๋ นงวัยน้องจั๊น ฮักไผแต๊หั้น นอนาย
ใจ๋พี่ฮักน้อง จึ่งต้องเสียหาย อิดในใจ๋จาย เจ็บหลายบ่หน้อย

120. เวลาจะช่วยอะไร -- ลุลา

รออยู่อย่างนั้น แม้มันปวดใจ๋ เวลาผ่านไป ใจ๋ยังหม่นเศร้า
เปิ้นเล่าจ๋า กั๋นมาเน่อเจ้า เวลาจ้วยเฮา แน่แต๊
แต่รอแล้วหนอ รอปอบ่แป๊ เวลาจะแก้ อย่างใด
รออยู่อย่างนั้น มันยังปวดใจ๋ เวลาผ่านไป ใจ๋ยังหม่นเศร้า
« แก้ไขครั้งสุดท้าย: พฤศจิกายน 15, 2009, 08:31:15 pm โดย เดอะจิ๊กุ่ง »
บันทึกการเข้า

เดอะจิ๊กุ่ง

ชมรมคนรักค่าว
www.lannapoem.com
www.teeneelanna.com
www.lannabusiness.com
http://ido24.org/teeneelanna.com/